ફિક્સ પગારમાં પાંચ વર્ષની નોકરી પૂર્ણ થઇ હોય અને CCCની પાસ ન કરી હોય તેવા કર્મચારીઓને પણ હવે કાયમી કરવાનો નિર્ણય સરકારે બુધવારે સાંજે મળેલી કેબિનેટ બેઠકમાં લીધો છે. કર્મચારીઓ માટે CCC માટે સરકાર એક પછી એક રાહત આપતી જાય છે. અગાઉ પાંચ વર્ષ પૂર્ણ થઈ ગયાં હોવા છતાં કમ્પ્યુટર કૌશલ્યની પરીક્ષા પાસ ન કરનારા કર્મચારીઓને કાયમી નિમણુક અપાતી નહોતી.
પોલીસ અને પ્રાથમિક શિક્ષકોનો એક મોટો વર્ગ તેના કારણે કાયમી નિમણૂક અને પગાર ભથ્થા સહિતના લાભથી વંચિત રહેતો હોવાની રજૂઆતો ઊઠી હતી. સમયસર પરીક્ષા ન યોજવાના કારણે અને ક્યાંક પૂરતા પ્રમાણમાં પરીક્ષા કેન્દ્રોની વ્યવસ્થા ન થવાથી મુશ્કેલીઓ પડતી હોવાની પણ રજૂઆતો કર્મચારીઓ દ્વારા કરવામાં આ‌વી હતી.